Больш за 60 тысяч ліхтароў у сталіцы (каля 60% ад агульнай колькасці) кіруюцца з дапамогай мабільнай сувязі праз адмысловыя сім-карты velcom. Такую інфармацыю распаўсюдзілі кампанія velcom і УП «Мінгарсвятло».
«Разумныя ліхтары» асвятляюць усе раёны Мінска, на іх перайшлі як у цэнтры горада, так і ў спальных раёнах. Мабільная сувязь таксама выкарыстоўваецца для кіравання вулічным святлом уздоўж буйных магістраляў, у тым ліку ўздоўж трасы да Нацыянальнага аэрапорта Мінск. Такім жа чынам кантралююць і вячэрняе падсвятленне будынкаў на большасці вуліц сталіцы.
Працуе інтэлектуальнае асвятленне падобна сістэме «разумны дом». Усе ліхтары падключаныя да падстанцый, а калі дакладней — невялікіх кантролераў, у якіх устаноўленыя сім-карты. Дзясяткі датчыкаў збіраюць інфармацыю аб рабоце вулічнага ліхтара, якая праз кантролер і сетку velcom перадаецца ў сістэму. «Разумныя ліхтары» ў рэжыме рэальнага часу апавяшчаюць аператараў аб усіх інцыдэнтах. Напрыклад, дыспетчар адразу даведваецца, калі знікла напружанне, узніклі праблемы з акумулятарам або ўзламаныя дзверцы падстанцыі. Гэтак жа аператыўная і зваротная сувязь: рамонтная брыгада адразу выязджае на ліквідацыю непаладак.
«Разумныя ліхтары» з'явіліся ў сталіцы дзякуючы супрацоўніцтву УП «Мінгарсвятло» і кампаніі velcom.
Агульная колькасць вулічных ліхтароў у Мінску перавышае 100 тысяч, прычым штогод іх колькасць расце на 10-15%.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты24
Каментары