Парламент Ірана ўхваліў дакумент, які дазваляе ўраду прасіць у Расіі ў якасці пазыкі 5 млрд даляраў.
Рашэнне аб пазыцы падтрымалі 145 парламентарыяў, 45 выказаліся супраць, паведамляе іранскае інфармацыйнае агенцтва «Фарс».
Грошы, якія Іран разлічвае атрымаць у Масквы, будуць выдаткаваныя на інфраструктурныя праекты. У прыватнасці, улады краіны плануюць патраціць расійскія грошы на будаўніцтва АЭС, рамонт і будаўніцтва чыгунак, узвядзенне плацін і ірыгацыйных сістэм.
Умовы, на якіх Іран разлічвае атрымаць у Расіі сродкі, будуць абмяркоўвацца урадам. Пакуль не ясна, ці зможа Іран прыцягнуць для рэалізацыі праектаў на расійскія грошы кампаніі не з Расіі, альбо да выканання праектаў Тэгеран будзе абавязаны прыцягваць у асноўным расійскія фірмы.
Спікер іранскага парламента Алі Ларыджані заявіў, што Расія гатовая даць пазыку пад 2% тэрмінам больш, чым на год.
Аналітыкі адзначаюць, што намер Ірана ўзяць у Расіі пазыку грошы кажа аб складанай фінансавай сітуацыі ў Іране з-за падзення даходаў ад продажу нафты.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары