Славуты піяніст зь Нямеччыны, народжаны ў Менску, дае свой першы канцэрт сур’ёзны канцэрт на Радзіме.
У родным Менску Гурвіч не выступаў з 2001 году. Якраз у гэты час па сканчэньні Беларускай акадэміі музыкі ён выправіўся за мяжу і стаў сапраўднай славутасьцю ў Нямеччыне — стварыў саўндтрэк да стужкі ўладальніка «Оскара» Менахема Голана, запісаў сумесны альбом з уладальнікам «Грэмі» Фрэнкам Лонданам, зрабіў пастаноўку опэры Філіпа Гласа. Цяпер Леон зьяўляецца аўтарам больш чым 300 твораў, выступае па ўсім сьвеце, налета ў яго заплянаваны канцэрт у Carnegie Hall у Ню-Ёрку. У інтэрвію Tuzin.fm музыка з Гамбургу папрасіў лічыць ягоныя працы здабыткам беларускай культуры. У пацьверджаньне гэтаму, ён запісаў твор «Акіян у цішы» для праекту «Будзьма! Тузін. Перазагрузка-2».
«Вельмі рады нарэшце пабываць у родным горадзе. Ведаю, што Менск дужа зьмяніўся за гэтыя 15 год, але веру ў тое, што публіка нашая засталася такой жа душэўнай», — зазначыў Леон з нагоды прыезду. На жаль, «Акіян у цішы» у канцэрце не прагучыць — у складзе Leon Gurvitch Project яе выканала беларуска Іна Высоцкая, а ў Менск піяніст прыедзе з амэрыканскай сьпявачкай Лаў Нюкірк. Праграма будзе прысьвечаная амэрыканскай джазавай клясыцы. У выкананьні Гурвіча і кампаніі прагучаць Гершвін, Элінгтан, Дэвіс, Брубэк.
Канцэрт пройдзе 28 верасьня ў Палацы прафсаюзаў.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары