Лукашэнка паабяцаў, што тарыфы ЖКГ у гэтым годзе павышацца не будуць
Кошт паслуг ЖКГ у гэтым годзе павышацца не будзе. Пра гэта 11 верасня заявіў Аляксандр Лукашэнка. Ён падкрэсліў, што той, хто можа плаціць, павінен гэта рабіць у неабходным аб'ёме. Той, хто не можа плаціць, будзе атрымліваць безнаяўныя жыллёвыя субсідыі.
Лукашэнка адзначыў, што ў гэтым плане ёсць усталяваны ліміт у эквіваленце 5 даляраў у год. «У гэтым годзе ўсё вычарпана, ніякіх павышэнняў не будзе. У наступным годзе 5 даляраў будзе дакладна. У колькі гэта выльецца адсоткаў, не ведаю», - заявіў кіраўнік дзяржавы.
«Мы яшчэ паглядзім, як будзе развівацца эканоміка і наколькі мы зможам падтрымаць людзей. Калі ў кішэнях нічога няма, то апошняе ніхто не мае права забраць. Бо мы атрымаем праблему, як ва Украіне, — паднялі, як МВФ патрабаваў, на 100%, можа, там і больш… І што атрымалася: у народа грошай няма, пенсіі панізілі, зарплаты ніякія, у людзей няма чым плаціць. Велізарныя неплацяжы спарадзілі другую праблему. Я гэтага не хачу», — сказаў Аляксандр Лукашэнка.
Ён таксама нагадаў, што адно з патрабаванняў Міжнароднага валютнага фонду для выдзялення крэдыту — 100%-ная аплата «камуналкі».
«Тут можна згаджацца, можна не. Яны ж разумеюць, што на мяне ціснуць бессэнсоўна. Мы ў іх просім на падтрыманне эканомікі крэдыт у 3 мільярды даляраў. Яны і больш могуць даць — я ж сустракаўся ў Нью-Ёрку з Лагард (кіраўнік МВФ), пад 1%, ну максімум 2%, а Расія нам крэдыты па 4,5—6% дае.
Таму мы папрасілі ў іх крэдыт, яны нам выставілі ўмовы. У прынцыпе, тыя ўмовы, якія яны нам выставілі, мы даўно рэалізавалі, альбо гэта ўсё роўна нам прыйдзецца рэалізоўваць.
Засталося адно — павышэнне да 100% аплаты камунальных паслуг», — распавёў Лукашэнка.
Кіраўнік краіны мяркуе, што ў цэлым такі падыход верны, але для гэтага неабходна выпрацаваць сістэму.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было5
Каментары