14 кастрычніка канцэртам у Маладзечне гурт «J:морс» адкрые першы за 5 год паўнавартасны тур па Беларусі. У праграме — найлепшыя песні і новы альбом «Воздух», які стаў адным з найбольш паспяховых у гісторыі гурту.
Гурт «J:морс» выдаў першы за пяць год альбом у лістападзе 2015. Калектыў ужо паспеў некалькі разоў з аншлагам прадставіць яго ў Мінску: спачатку ў лютым у Prime Hall, пасля ў ліпені на плошчы каля Ратушы, дзе, нягледзячы на даждлівы дзень, сабралося больш за 5 тысяч гледачоў. І гэта без уліку фэстаў і дзён гораду ў розных кутках Беларусі.
— Сольны канцэрт у межах тура заўсёды адрозніваецца ад выступа на фестывалі ці гарадскім свяце: ёсць магчымасць выканаць больш розныя па часе стварэння і дынаміцы песні, паказаць нешта цікавае больш падрыхтаванай аўдыторыі. Але галоўнае — сольны канцэрт заўсёды ўдвая даўжэйшы, што прыемна і для нас, і для гледачоў, — кажа лідар «J:морс» Уладзімір Пугач.
Графік тура: 14 кастрычніка — Маладзечна, 21 кастрычніка — Наваполацк, 28 кастрычніка — Гомель, 29 кастрычніка — Віцебск, 30 кастрычніка — Магілёў, 26 лістапада — Брэст, 1 снежня — Гродна, 2 снежня — Рэчыца.
Акрамя гэтага 5 лістапада ў Палацы Рэспублікі «J:морс» і Прэзіденцкі аркестр РБ прадставяць найлепшыя песні гурту ў сімфанічных аранжыроўках у межах адмысловай праграмы «Беларускае золата». Квіткі: ад 30 да 60 руб.
-
Як K-pop, толькі B-pop — спявачка Паліна Дабравольская запісала новы альбом на беларускай і польскай мовах
-
«Яндэкс Музыку» немагчыма слухаць». Беларусы абураныя аб’ёмамі цэнзуры праз расійскі закон аб прапагандзе наркотыкаў
-
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары