24-гадовы жыхар Баранавічаў, які правёў падпольную пластычную аперацыю па змене памеру палавых губ 17-гадовай дзяўчыне, падазраецца ў распаўсюдзе парнаграфіі. Пра гэта малады чалавек паведаміў на сваёй старонцы ў сацыяльнай сетцы.
Фота падазраванага са старонкі «Вконтакте»/
Як удакладніў «хірург», пра пачатак крымінальнай справы ён даведаўся 27 верасня. Малады чалавек падазраецца ў распаўсюдзе парнаграфічных матэрыялаў праз інтэрнэт (ч. 2 арт. 343). Паводле яго слоў, увагу следчых прыцягнулі некалькі фатаграфій палавых органаў, якія былі размешчаныя ў яго групе пра пірсінг, а таксама відэазапіс.
«<…> Відэа, якое я даўным даўно глядзеў і дзівіўся, але забыўся выдаліць — на відэа хлопец і дзяўчына займаюцца сэксам, АЛЕ ў падвешаным стане, чым і прыцягнулі маю ўвагу. <…> Вынікі — падпіска аб нявыездзе з Баранавіч і чаканне следства», — напісаў падазраваны ў сваёй групе (стыль арыгінала захаваны).
Інфармацыю аб пачатку крымінальнай справы пацвердзіла крыніца ў праваахоўных органах.
Нагадаем, ч. 2 арт. 343 прадугледжвае ад 2 да 4 гадоў пазбаўлення волі. Аднак калі абвінавачаны раней да крымінальнай адказнасці не прыцягваўся, характарызуецца станоўча і прызнае сваю віну, то суды звычайна прызначаюць умоўнае пакаранне.
Жыхаром Баранавічаў праваахоўнікі зацікавіліся пасля таго, як ён правёў падпольную пластычную аперацыю 17-гадовай дзяўчыне. Малады чалавек, які захапляецца пірсінгам і бодзімадыфікацыямі, спрабаваў хірургічным шляхам змяніць ёй памер палавых губ. Пры гэтым інтымнай пластыцы ён навучаўся па роліках у інтэрнэце і падчас кансультацый са спецыялістамі-практыкамі.
У выніку аперацыі дзяўчыну шпіталізавалі ў рэанімацыйнае аддзяленне бальніцы з моцным крывацёкам.
Міліцыя ўсё яшчэ праводзіць праверку па факце падпольнай пластыкі. Не выключана, што акрамя артыкула за распаўсюд парнаграфічных матэрыялаў, у дачыненні да маладога чалавека могуць распачаць справу і за незаконнае лекаванне.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары