У Данецку забіты вядомы сваёй жорсткасцю камандзір расійскіх баевікоў Арсень Паўлаў, вядомы пад пазыўным Матарола. Пра гэта паведаміла міністэрства абароны самаабвешчанай Данецкай народнай рэспублікі. Як паведамляецца, Матарола загінуў пры выбуху ў ліфце. Там спрацавала самаробнае выбуховае прыстасаванне.
У міністэрстве ў замаху падазраюць украінскую дыверсійную групу.
Вядома, што Матаролу дзень і ноч пільнавала ўзброеная ахова. Паведамляецца, што ў ліфце разам з ім загінуў і ахоўнік. Бомбу, як сцвярджаецца, прымацавалі да троса ліфта каля кабіны.
33-гадовы Матарола стаў вядомым у 2014 годзе. Гэты расійскі марскі пехацінец удзельнічаў у захопе Крыма, няўдалай спробе захопу Харкава. Пасля трапіў у Славянск, узначаліў адзін са штурмавых атрадаў, што дзейнічалі на Данбасе. Ён браў удзел ва ўсіх галоўных баях 2014 і 2015 гадоў.
Паўлаў нарадзіўся ў расійскай аўтаноміі Комі, у 15 гадоў застаўся сіратой. Служыў у арміі, ваяваў у Чачні.
Матарола меў злую славу: існуе запіс, на якім ён хваліцца, што забіў 15 палонных украінскіх вайскоўцаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары