Прысуд па справе Эдуарда Пальчыса будзе абвешчаны ў пятніцу, 28 кастрычніка, у Мінскім гарадскім судзе.
Пра гэта «НН» паведаміў Павел Севярынец. Сёмы дзень запар разам з іншымі актывістамі ён ладзіць пікет у падтрымку Пальчыса каля будынка суда.
«На сераду і чацвер абвешчаны перапынак, а прысуд будзе абвешчаны ў пятніцу», — сказаў Севярынец.
Сёння, аб 11-й, нягледзячы на моцны дождж, каля будынка суда было 10 актывістаў. На іх ужо складзена 7 пратаколаў, паведаміў Севярынец.
***
25-гадовы Эдуард Пальчыс (блогер Джон Сільвер, стваральнік сайта 1863.com) абвінавачваецца ў здзяйсненні злачынстваў па ч.1 арт.130 (распальванне расавай, нацыянальнай ці рэлігійнай варажнечы ці розні) і ч.2 арт. 343 (распаўсюд парнаграфічных матэрыялаў) Крымінальнага кодэкса Рэспублікі Беларусі.
Каментары