Аўтамабіль Honda Civic увечары 11 лістапада сутыкнуўся з «МАЗам» на дарозе Бабруйск — Любань — Чырвоная Слабада паблізу вёскі Докаль Глускага раёна Магілёўскай вобласці.
Як паведаміла афіцыйны прадстаўнік УСК па Магілёўскай вобласці Аксана Салянюк, ДТЗ адбылося каля 20.00. 30-гадовая жанчына, кіруючы легкавым аўтамабілем, рухаючыся з боку Глуска, сутыкнулася з аўтамабілем «МАЗ 544069», які ехаў па паласе сустрэчнага руху.
У выніку сутыкнення пасажыры — 63-гадовая жанчына і 6-гадовая дзяўчынка — маці і дачка кіроўцы — загінулі на месцы. 10-гадовая пасажырка Honda Civic і пасажыр «МАЗа» шпіталізаваныя. «Кіроўцы абодвух аўтамабіляў не пацярпелі. Паводле папярэдняй інфармацыі абодва кіроўцы знаходзіліся ў цвярозым стане», — адзначыла Салянюк.
Па факце ДТЗ следчыя органы распачалі справу па частцы 3 артыкула 317 КК (парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць дзвюх асоб) Крымінальнага кодэкса Рэспублікі Беларусь.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ38
Каментары