Рэдкая з'ява: над Беларуссю заўважылі сонечнае і месячнае гало ВІДЭА, ФОТЫ
Марознае надвор'е 12 і 13 лістапада дазволіла беларусам назіраць у небе незвычайны феномен — гало. Прычым за адны суткі як сонечную, так і месяцовую яго «версію», піша tut.by.
Выявы на небе ўтвараюцца дзякуючы адлюстраванню і пераламленню сонечнага святла праз крышталікі льду на вышыні 5-10 кіламетраў.
Для Беларусі гэтая з'ява даволі рэдкая, часам яе называюць «зімовай вясёлкай».
Мінскі астрафатограф Андрэй Лейчык заўважыў гало 13 лістапада падчас шпацыру. «Фактычна сёння на працягу ўсяго дня з Мінска і прыгарадаў можна было назіраць сонечнае гало і даволі яркую верхнюю дугу», — напісаў ён.
А жыхар Гомеля Юрый Шаўцоў сфатаграфаваў месяцовае гало над прыватным сектарам горада. Таксама ён зняў timelapse-відэа, у якім змясціў 9 гадзін назірання за начным небам, месяцам і «зімовай вясёлкай».
Мяркуючы па фота ў сацсетках, за апошнія дні гало бачылі ў многіх краінах — ад Ісландыі і Даніі да Ізраіля і Турцыі. Адзін з самых эфектных здымкаў «зімовай вясёлкі» зрабілі ў Лапландыі (Фінляндыя).
Цяпер чытаюць
Лукашэнка: Я на перамовах з амерыканцамі і еўрапейцамі кажу: «Я гатовы перагарнуць старонку»18
Каментары