Другі дзень запар у Еўропе паведамляюць пра бомбы на самалётах. Сёння — на двух рэйсах да Варшавы
У Польшчы праз паведамленні пра магчымую выбухоўку правяраюць два пасажырскія самалёты — з Лондана і Капенгагена. Аэрапорт Варшава-Модлін часова спыняў працу. Напярэдадні праз аналагічную пагрозу самалёт Wizz Air давялося саджаць у Будапешце ў суправаджэнні знішчальніка.
Раніцай 3 лістапада самалёт LOT, які ляцеў з лонданскага Хітроў у варшаўскі аэрапорт імя Шапэна, перанакіравалі ў Модлін. На борце Boeing 737 MAX знаходзіўся 181 чалавек.
Паводле адміністрацыі Модліна, паведамленне пра пагрозу выбуху паступіла ў 9:54 паводле мясцовага часу. Ужо ў 10:01 самалёт прызямліўся. Яго накіравалі на асобную стаянку для праверкі.
Пасажыраў эвакуявалі ў залу прылётаў. Аэрапорт спачатку цалкам закрылі, але каля поўдня ён паведаміў пра аднаўленне працы: недаступнай заставалася толькі частка тэрыторыі, піша RMF24. Самалёт і багаж павінны праверыць сапёры.
У гэты ж дзень паведамленне пра бомбу паступіла і адносна рэйса SAS з Капенгагена ў Варшаву. Ён прызямліўся ў аэрапорце імя Шапэна, дзе пачалася праверка. Гэты аэрапорт працу не спыняў.
Напярэдадні, 2 лістапада, праз пагрозу выбуху маршрут змяніў самалёт Wizz Air з Лондана ў Сафію. Ён прызямліўся ў Будапешце ў суправаджэнні венгерскага знішчальніка Gripen. Пасля пасадкі самалёт і пасажыраў правяралі службы бяспекі.
Такім чынам, за два дні паведамленні пра бомбы закранулі прынамсі тры пасажырскія рэйсы ў Еўропе. Звестак пра выяўленне выбухоўкі на борце не было.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Не хапае толькі стрэла ў Мэрсэдэс пад дарозе ў Сопат. Стаўлю на тое, што яшчэ будзе, калі Журэк і Берэк сарвуць перамовы з канцэлярыяй прэзідэнта.