Асуджанаму раней да «хатняй хіміі» пагражае цяпер сапраўднае зьняволеньне.
Нагадаем, што моладзевы актывіст быў затрыманы ўвечары 28 чэрвеня ў Менску, калі вяртаўся з паседжаньня палітрады АГП. Пашкевіча затрымалі на чыгуначным вакзале за нібыта нецэнзурную лаянку — «дрэс‑код» сёньняшняй апазыцыі.
Хлопца адвезьлі ў спэцпрыёмнік‑разьмеркавальнік на Акрэсьціна, дзе пратрымалі дзьве ночы.
Паколькі Міхаіл раней быў асуджаны да гэтак званай «хатняй хіміі» (Справа 14‑ці), то ў выпадку, калі яго прызнаюць нават у дробным хуліганстве, яму пагражае сапраўднае зьняволеньне.
Сёньня ў судзе Кастрычніцкага раёну Менску меўся адбыцца адміністрацыйны разгляд справы. У суд даставілі некалі чалавек, але Пашкевіча сярод іх няма.
Паводле А. Лябедзькі, у Кастрычніцкім РУУС адвакату Сьвятлане Гарбаток сказалі, што ў дачыненьні да Міхаіла Пашкевіча высунута абвінавачаньне паводле арт. 339 крымінальнага кодэксу («хуліганства»).
Гэты артыкул пралягледжвае да 2‑х гадоў пазбаўленьня волі.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў3
Каментары