Паліцыянты і турэмныя чыноўнікі будуць пакараныя і выплацяць салідныя кампэнсацыі за зьбіцьцё дэманстрантаў пад час саміту G-8 у Генуі. Ці дачакаюць такога рашэньня суду ўдзельнікі беларускіх акцый пратэсту?
Па выніках працэсу, што цягнуўся больш чым тры гады, судзьдзя вызначыў асуджаным тэрміны пакараньня ад пяці месяцаў да пяці год. Разам з тым з 30 чалавек былі зьнятыя абвінавачаньні. Праўда, наўрад ці камусьці з асуджаных давядзецца сесьці ў турму, бо да сканчэньня працэсу апэляцыі скончыцца тэрмін даўніны па зьдзейсьненых імі правапарушэньнях.
Але італьянскім уладам прыйдзецца выплаціць мільёны эўра тым, хто быў затрыманы і пацярпеў ад жорсткіх дзеяньняў паліцыі.
У выніку вулічных сутыкненьняў паміж дэманстрантамі і паліцэйскімі ў Генуі ў 2001 г. адзін пратэстоўца загінуў, сотні чалавек атрымалі раненьні.
Паліцыю зьвінавацілі ў жорсткасьці пры правядзеньні апэрацый у школе, якую пратэстуючыя выкарыстоўвалі для пражываньня, а таксама ў паліцэйскіх кашарах, куды дастаўлялі арыштаваных. Сярод іх былі грамадзяне Італіі, Брытаніі, Польшчы і Ірляндыі.
Затрыманыя заяўлялі, што іх зьбівалі пасьля таго, як падверглі пільнаму асабістаму надгляду. Пракуроры сьцьвярджалі, што дзеяньні абвінавачаных трапілі пад вызначэньне «катаваньні».
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць12
Каментары