Прэзідэнт Кот-д'Івуара пайшоў на саступкі пасля «дэмбельскага мяцяжу»
Кіраўнік краіны Аласан Уатара заключыў пагадненне з былымі і сённяшнімі жаўнерамі арміі, якія на некалькі дзён паралізавалі жыццё Кот-д'Івуара, піша Бі-бі-сі.
«Я пагадзіўся прыняць пад увагу патрабаванні жаўнераў наконт бонусаў і лепшых умоў працы», — сказаў прэзідэнт па нацыянальным тэлебачанні.
Дэмабілізаваныя жаўнеры з арміі Кот-д'Івуара паднялі рокаш у канцы мінулага тыдня.
Прычынай паўстання былі патрабаванні павялічэння заробку і выплаты бонусаў, распавёў міністр абароны афрыканскай краіны, які часова патрапіў у палон да мяцежнікаў.
Першапачаткова дэмбелі ўзялі ў закладнікі намесніка камандзіра самай вялікай вайсковай часткі ў горадзе Буаке і пераканалі далучыцца да сябе частку жаўнераў з мясцовага гарнізона.
Потым да мяцяжу далучыліся вайсковыя часткі ў іншых гарадах.
У 2011 годзе ў краіне адбылася кароткая грамадзянская вайна, якая закончылася пасля інтэрвенцыі французскіх войск.
Аналагічнае вайсковае паўстанне мела месца таксама ў Кот-д'Івуары ў 2014 годзе, калі сотні вайскоўцаў патрабавалі выплаты заробкаў. Пасля перамоваў урад заключыў з жаўнерамі пагадненне і выплаціў ім грошы.
Вельмі падобныя рокашы часта ўзнікалі і ў Еўропе ў 16-17 стагоддзях, калі найміты-жаўнеры (часам у разгар войнаў) ставілі перад вайсковым камандваннем і дзяржаўным кіраўніцтвам пытанні пра выплату даўгоў па заробках.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў86
Каментары