Карэспандэнт Свабоды пагутарыў з нявестай затрыманага ўчора Міраслава Лазоўскага Святланай.
Святлана плача, узгадваючы тое, як учора ўвечары людзі ў цывільным і двое ў чорнай вопратцы ды ў масках на тварах прывезлі Міраслава дамоў і праводзілі ператрус.
«Быў збіты, твар у крыві. Завялі ў кайданках і пасадзілі на зэдлік тварам да сцяны. Дазволілі толькі даць папіць, размаўляць не дазволілі».
Паводле Святланы, на час ператрусу былі запрошаныя ў якасці панятых дзве суседкі. З забраных рэчаў Святлана памятае камп'ютар, ейны планшэт. «Сказалі, што для праверкі».
Таксама былі забраныя «нейкія рэчы з сімволікай Украіны» і шэўрон арганізацыі «Белы легіён».
Паводле Святланы, чалавек, які праводзіў ператрус, пацвердзіў, што ён звязаны з заклікамі да ўзброенай барацьбы, якія з'явіліся ў інтэрнэце нібыта ад імя Міраслава Лазоўскага.
«Ягоны акаўнт у фэйсбуку быў узламаны, з'явіўся гэты заклік, да якога ён не мае дачынення. Яму званілі сябры і пыталіся, ці ты ведаеш пра гэта, што ад твайго імя распаўсюджваюць? Ён ведаў, а што зробіш?»
Сьвятлана не ведае, дзе цяпер трымаюць яе любімага чалавека, і кажа, што вельмі за яго непакоіцца.
-
Акунін расказаў, што неабходна, каб выжыць, калі ты застаўся ў кепскай краіне
-
64‑гадовага віцэ-чэмпіёна па аўтаспорце кінулі ў калонію за палітыку. Арыштавалі пасля вяртання з-за мяжы
-
Ціханоўская да 15‑й гадавіны трагедыі ў мінскім метро: Сёння — дзень памяці і болю, які жыве ў нашых сэрцах ужо 15 гадоў
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго5
Каментары