Ісландскія СМІ паведамляюць пра здарэнне, якое адбылося днямі з прэзідэнтам Гудні Ёханэсанам. А гісторыя наступная: двое хлопчыкаў — Трыстан Элмарсан і Сёльві Магнусан — пайшлі ў басейн Лаўгардалслаг у Рэйк'явіку. Пасля заняткаў іх мела забраць з басейна мама Трыстана. Аднак жанчына спазнялася, бо мела важныя справы, і хлопцы сядзелі і чакалі.
Тым часам у басейне прэзідэнт Ёханэсан уручаў дзяржаўныя ўзнагароды. Пасля цырымоніі 13-гадовы Трыстан, смялейшы з хлопцаў, падышоў да кіраўніка краіны і запытаў у яго, ці не мог бы ён падвезці іх дадому, бо мама спазняецца. Прэзідэнт адказаў: «Ок, не праблема» і паабяцаў закінуць на прэзідэнцкай машыне.
Пазней маці Трыстана Ракель расказала журналістам, што сын ёй патэлефанаваў і сказаў, маўляў, мама, не спяшайся, мяне дамоў вязе прэзідэнт. «Я думала, што ён жартуе», кажа жанчына. Аказалася, што гэта не жарт
«Дзе б у свеце гэта яшчэ адбылося, калі б не ў Ісландыі і з прэзідэнтам Гудні. Ён бясцэнны!» — рэзюмавала Ракель.
Больш за тое, прэзідэнт Ісландыі не толькі падкінуў падлеткаў дадому, але й зрабіў з імі здымак на памяць. А хлопчыкі зрабілі відэа з машыны.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары