Умовы надвор'я на тэрыторыі Беларусі будзе вызначаць маларухомы атмасферны фронт, які падзеліць краіну на два розныя лагеры: халадней па паўночным захадзе і нашмат цяплей па паўднёвым усходзе.
Пра гэта TUT.BY распавёў начальнік службы метэаралагічных прагнозаў Гідрамета Мінпрыроды Дзмітрый Рабаў.
У чацвер на большай частцы тэрыторыі краіны працяглыя дажджы, ноччу па паўднёвым захадзе, днём у паўночна-ўсходніх раёнах краіны моцныя дажджы. Днём у асобных раёнах Гомельскай вобласці магчымы навальніцы. Тэмпература ноччу +2 — +7°С, днём +7 — +13°С; па паўднёвым усходзе ноччу +8 — +10°С, днём +14 +20°С.
28 красавіка, на большай частцы тэрыторыі дажджы, днём у асобных раёнах навальніцы, моцныя дажджы, магчымы град. Тэмпература ноччу 0 — +7°С, днём +4 — +11°С; па паўднёвым усходзе ноччу +8 — +11°С, днём +12 —+17°С, па Гомельскай вобласці +18 — +22°С.
У суботу на большай частцы тэрыторыі кароткачасовыя дажджы, у асобных раёнах навальніцы, моцныя дажджы, днём магчымы град. Тэмпература ноччу +3 + 10°С, па паўднёвым усходзе да +12°С; днём +9 — +16°С, па ўсходзе +17 — + 23°С.
У нядзелю атмасферны фронт будзе павольна сыходзіць на ўсход і надвор'е пачне паляпшацца. Ноччу ў цэнтральных і ўсходніх раёнах, днём пераважна па ўсходняй палове краіны кароткачасовыя дажджы, у асобных раёнах навальніцы, моцныя дажджы.
Тэмпература ноччу +1 + 8°С, па ўсходзе +9 + 12°С; днём +9 + 16°С, па паўднёвым усходзе +17 + 20°С.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца5
Каментары