Абвінавачванне папросіць прысудзіць Януковіча да пажыццёвага зняволення за дзяржздраду
На судзе па справе аб дзяржздрадзе супраць былога прэзідэнта Украіны Віктара Януковіча бок абвінавачання будзе дамагацца пажыццёвага тэрміну зняволення. Пра гэта абвясціў пракурор Віктар Краўчанка пасля першага, папярэдняга судовага паседжання 4 мая.
Краўчанка растлумачыў, што пажыццёвае пазбаўленне волі — найвышэйшая ступень пакарання па артыкуле аб дзяржздрадзе. Такі тэрмін абвінавачванне мае намер папрасіць у сувязі з тым, што Януковіч, што збег у Расію, не прызнаў сваю віну.
На папярэднім пасяджэнні суд дазволіў Януковічу ўдзельнічаць у працэсе па відэасувязі. Наступнае пасяджэнне Абалонскага раённага суда Кіева па справе Януковіча запланавана на 18 мая.
***
Справу аб дзяржздрадзе супраць Віктара Януковіча завялі ў 2014 годзе, калі ён на фоне масавых пратэстаў выехаў з Украіны ў Расію. Адным з галоўных доказаў боку абвінавачання стала заява, у якой Януковіч просіць расійскага прэзыдэнта Уладзіміра Пуціна ўвесці ва Украіну войскі.
Цяпер чытаюць
Анжаліку Мельнікаву бачылі ў Мінску ў «Дана Моле»23
Каментары