Усе забракаваныя Расздароўнаглядам беларускія лекі выведзеныя з абароту. Пра гэта піша РБК са спасылкай Міністэрства аховы здароўя Расіі.
Раней Следчы камітэт Расіі пачаў праверку ў сувязі з інфармацыяй пра тое, што ў трох шпіталях Калінінграда, Мардовіі і Валагодскай вобласці былі знойдзеныя беларускія прэпараты «для ін'екцый з бітым шклом і механічнымі часціцамі ўнутры».
У прэс-службе Міністэрства аховы здароўя Расіі заявілі, што ўсяго з 2016 года Расздароўнагляд забракаваў і канфіскаваў дзве серыі двух гандлёвых найменняў лекаў кампаніі РУП «Белмедпрэпараты» і 14 серый сямі гандлёвых найменняў лекавых прэпаратаў вытворчасці ААТ «Барысаўскі завод медыцынскіх прэпаратаў». Так, у ампуле аднаго з беларускіх лекаў у тым ліку было выяўлена шкло.
«Якой-небудзь інфармацыі пра ўвядзенне дадзеных прэпаратаў і ўскладненнях, што ў сувязі з гэтым узніклі ў пацыентаў, у міністэрства не паступала», — гаворыцца ў паведамленні.
Акрамя таго, у прэс-службе ўдакладнілі, што ў аўтаматызаваную сістэму Расздароўнагляду не паступала паведамленняў ад медработнікаў і пацыентаў аб пабочных дзеяннях і іншых непажаданых рэакцыях, звязаных з «выяўленнем у ампулах дадзеных прэпаратаў аскепкаў шкла ці іншых механічных уключэнняў».
Расіяне абвінавацілі Беларусь у пастаўках лекаў з кавалкамі шкла
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары