Скончылася расследаванне па факце замаху на забойства. Сам інцыдэнт адбыўся яшчэ ў лютым.
Узімку 53-гадовы жыхар Гомеля ўзяў да сябе ў дом бяздомнага мужчыну, ураджэнца Віцебска, які застаўся жыць у доме і дапамагаць па гаспадарцы. Праўда, сумеснае жыццё не абыходзілася без алкаголя.
Падчас аднаго з застолляў у парыве сваркі госць нанёс свайму дабрадзею некалькі удараў нажом. Гаспадар дома цудам паспеў выбегчы на вуліцу, дзе яго заўважылі мінакі. Яны выклікалі хуткую дапамогу і міліцыю. Мужчыну шпіталізавалі.
Згодна з заключэннем судова-медыцынскай экспертызы на галаве ў пацярпелага гамяльчаніна былі выяўленыя дзве колата-рэзаныя раны, адна з іх у цемянной вобласці з пашкоджаннем рэчыва галаўнога мозгу і ўнутрымазгавое кровазліццё. Як удакладніў афіцыйны прадстаўнік упраўлення Дзяржкамітэта судовых экспертыз па Гомельскай вобласці Руслан Габрылёў, атрыманыя траўмы прывялі да развіцця ў пацярпелага псіхічнага расстройства.
Крымінальная справа ў дачыненні да 43-гадовага абвінавачанага перададзена пракурору для накіравання ў суд. Вядома, што абвінавачваны быў раней судзімы за крадзеж і ўхіленне ад пакрыцця выдаткаў па ўтрыманні дзяцей.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары