У раёне Елісейскіх палёў у Парыжы аўтамабіль урэзаўся ў фургон жандармерыі, пасля чаго загарэўся. Вінаваты ў аварыі загінуў, заявіла міністэрства ўнутраных спраў Францыі.
У выніку інцыдэнту, як паведамляе ВВС, ніхто з паліцэйскіх ці грамадзянскіх не пацярпеў.
У цяперашні час сітуацыя знаходзіцца пад кантролем, сцвярджаюць у паліцыі. Аўтамабіль, які пратараніў паліцэйскі фургон, правяраюць выбухатэхнікі.
Паліцыя ачапіла зону вакол тэатра Марыньі і рэкамендавала жыхарам сталіцы і турыстам не набліжацца да Елісейскіх палёў. Зачыненая станцыя метро Champs-Elysees-Clemenceau.
Расследаванне інцыдэнту на Елісейскіх палях даручанае антытэрарыстычнаму падраздзяленню французскай пракуратуры.
Паводле паведамленняў французскіх СМІ, атака, хутчэй за ўсё, была наўмыснай.
Агенцтва Франс-прэс і тэлеканал BFM-TV паведамляюць, што ў машыне вінаватага аварыі былі знойдзены аўтамат Калашнікава, патроны і газавы балон.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары