Прэзідэнт ЗША хоць сёння мог бы пачаць у Беларусі вытворчасць імянной гарэлкі або будаўніцтва імяннога гатэля. Рэч у тым, што на тэрыторыі нашай краіны Дональд з'яўляецца ў гэтых і шэрагу іншых сектарах уладальнікам абароненага таварнага знака Trump.
Такую інфармацыю Myfin.by выявіў у базе дадзеных Сусветнай арганізацыі інтэлектуальнай уласнасці - САІУ, або па-англійску WIPO.
Гаворка ідзе пра дзве міжнародныя рэгістрацыі. Адна распаўсюджваецца на гарэлку, другая - на паслугі ў сферы нерухомасці (будаўніцтва і фінансаванне жылых і камерцыйных аб'ектаў), а таксама на забаўляльныя, гатэльныя і рэстаранныя паслугі плюс на камп'ютарныя гульнявыя праграмы.
У базе дадзеных САІУ сказана, што ўладальнік таварнага знака Trump — Дональд Джон Трамп, які пражывае па адрасе Нью-Ёрк, Пятая авеню, 725. Давераная асоба - Патрыс Пі Джын з Hughes Hubbard & Reed LLP.
Заяўка на прававую ахову ў Беларусі знака для гарэлкі была пададзеная ў лістападзе 2007-га і заканчваецца ў лістападзе 2017-га, для нерухомасці і чатырох іншых напрамкаў - у ліпені 2012 і ліпені 2022-га адпаведна.
Інфармацыю пра тое, што Дональд Трамп з'яўляецца ўладальнікам таварнага знака Trump у нашай краіне, Myfin.by таксама пацвердзілі ў беларускім Нацыянальным цэнтры інтэлектуальнай уласнасці.
Дарэчы, як вынікае з дадзеных САІУ, такія заяўкі на прававую ахову знака Trump былі адначасова пададзеныя на тыя ж перыяды яшчэ ў шэраг постсавецкіх краін акрамя Беларусі.
Хто забараняе ў Беларусі кнігі — вось гэтыя 22 чалавекі33
Каментары