Педагагічным работнікам змогуць павышаць зарплату за кошт пазабюджэтных сродкаў, паведаміў БЕЛТА прэс-сакратар прэм'ер-міністра Беларусі Уладзіслаў Сычэвіч, каментуючы пастанову Савета Міністраў ад 14 ліпеня 2017 года нумар 530.
У дакуменце прапісаны механізм выкарыстання пазабюджэтных сродкаў на аплату працы педагагічных работнікаў. Кіраўнікі дзяржустаноў адукацыі пры аказанні платных паслуг дадатковай адукацыі змогуць устанаўліваць павышаную стаўку першага разраду. Але яна не павінна перавышаць двухкратны памер тарыфнай стаўкі першага разраду (з 1 студзеня 2017 года яна складае Br31).
Такі механізм прыменены для павышэння аплаты працы педагагічных работнікаў у Беларусі ўпершыню. Гэта павінна стымуляваць установы адукацыі больш актыўна зарабляць сродкі для папаўнення пазабюджэтнага фонду.
Як паведамлялася, згодна з пастановай нумар 530, дзяржустановы адукацыі, якія рэалізуюць адукацыйныя праграмы дадатковай адукацыі на платнай аснове, пры аплаце працы педагагічных работнікаў (акрамя кіраўнікоў), якія ўдзельнічаюць у рэалізацыі зместу такіх адукацыйных праграм, за кошт атрыманых ад названай дзейнасці пазабюджэтных сродкаў, могуць прымяняць тарыфную стаўку першага разраду ў памеры, што не перавышае двухкратны памер тарыфнай стаўкі першага разраду для аплаты працы работнікаў бюджэтных арганізацый і іншых арганізацый, атрымліваючых субсідыі, работнікі якіх прыраўнаваны па аплаце працы да работнікаў бюджэтных арганізацый.
Тарыфная стаўка першага разраду, што вызначаецца дзяржаўнай установай адукацыі ў прадугледжаных пастановай памерах, падлягае ўзгадненню з дзяржорганам, у падпарадкаванні якога знаходзiцца гэта ўстанова адукацыі.
Дакумент уступае ў сілу пасля яго афіцыйнага апублікавання.
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары