У Мінску ў 2016 годзе 63 чалавекі прыцягнуты да крымінальнай адказнасці за ўхіленне ад службы ў войску, паведамілі ў Генеральнай пракуратуры Беларусі, перадае interfax.by.
«За ўхіленне ад мерапрыемстваў прызыву на вайсковую службу ў 2016 годзе да крымінальнай адказнасці па арт.435 КК прыцягнута 63 асобы», — гаворыцца ў паведамленні ведамства.
Паводле інфармацыі Генпракуратуры, да асоб, якія не з'явіліся ў ваенны камісарыят, былі ўжытыя розныя абмежавальныя-папераджальныя меры па іх вышуку і прывадзе ў ваенныя камісарыяты. Акрамя таго, часова абмяжоўвалася іх права на выезд з Беларусі.
«Падчас гэтай праверкі пракуратурай Фрунзенскага раёна Мінска ў дачыненні да двух прызыўнікоў, якія ўхіліліся ад мерапрыемстваў прызыву на вайсковую службу, распачатыя дзве крымінальныя справы, якія па выніках папярэдняга расследавання накіраваныя для разгляду ў суд», — падсумавалі ў Генеральнай пракуратуры.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС9
Каментары