Прэзідэнт ЗША Дональд Трамп абвінаваціў амерыканскі кангрэс у тым, што адносіны Вашынгтона і Масквы знаходзяцца на «небывала нізкім узроўні», піша ВВС.
«Нашы адносіны з Расіяй знаходзяцца на небывала нізкім і небяспечным узроўні. Можаце падзякаваць кангрэсу, гэтыя ж людзі не могуць нават даць нам медыцыну», — напісаў ён у сваім твітары.
Каментар Трампа прагучаў усяго праз суткі пасля таго, як ён ухваліў увядзенне новых санкцый супраць Расіі.
Падпісаўшы закон, Трамп адразу ж заявіў, што ён утрымлівае «антыканстытуцыйныя нормы».
«Я выступаю за больш жорсткія меры, за тое, каб пакараць і спыніць агрэсіўныя і дэстабілізуючыя паводзіны Ірана, Паўночнай Карэі і Расіі, і ў той жа час лічу, што гэты закон мае істотныя недахопы, — заявіў Трамп. — Кангрэс, спяшаючыся прыняць гэты закон, уключыў у яго некалькі відавочна антыканстытуцыйных палажэнняў».
Галоўнае ў новым законе — тое, што ён пазбаўляе прэзідэнта магчымасці адмяняць санкцыі супраць Расіі без дазволу кангрэса.
Дональд Трамп па ходзе перадвыбарчай кампаніі і ў першs час на пасадзе прэзідэнта казаў, што гатовы наладзіць адносіны з расійскім прэзідэнтам Уладзімірам Пуціным, калі з ім удасца, па выразе Трампа, «заключыць добрую здзелку».
Рашэнне кангрэса ЗША прыняць закон аб санкцыях было ў першую чаргу прадыктавана менавіта жаданнем пазбавіць імпульсіўнага прэзідэнта магчымасці неабдумана заключаць падобныя «здзелкі».
Трамп пасля падпісання закона ўсё ж заклікаў кангрэсменаў не вельмі перашкаджаць яму ў перамовах па Украіне, а таксама ва ўзаемаадносінах з Еўрасаюзам.
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну15
Каментары