Марсаход Curiosity святкуе пятую гадавіну знаходжання на Чырвонай планеце — шмат ФОТА
6 жніўня споўнілася роўна пяць гадоў з моманту пасадкі амерыканскага ровера Curiosity на Марсе. Меркаваны тэрмін службы апарата першапачаткова ацэньваўся ў адзін марсіянскі год (686 зямных сутак), але робат паспяхова працуе і сёння.
Запуск робата да суседняе планеты адбыўся 26 лістапада 2011 года, а мяккая пасадка была ажыццёўлена 6 жніўня 2012 года. «К'юрыёсіці» - самы вялікі і цяжкі планетаход, калі-небудзь створаны чалавекам: ён важыць 899 кг, даўжыня і шырыня машыны роўныя адпаведна 3 і 2,8 м.
Апарат перадаў на Зямлю вялікую колькасць навуковых звестак, важнасць якіх складана пераацаніць. Таксама было зроблена больш за 200 тыс. фотаздымкаў.
У 2020 годзе NASA плануе адправіць да Марса новы даследчы апарат, пабудаваны на аснове Curiosity. Робат будзе вывучаць даступнасць і прыдатнасць мясцовых рэсурсаў, у тым ліку кіслароду, для выкарыстання наступнымі пілатаванымі місіямі і магчымага пражывання людзей.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро7
Каментары