16 жніўня на лінію «102» паступіла паведамленне ад намесніка старшыні аднаго з гаражных кааператываў Магілёва, які расказаў, што ў адным з гаражоў знаходзіцца невядомы, а ў памяшканні выяўленыя колбы з невядомым рэчывам, піша прэс-служба УВД Магілёўскага аблвыканкама.
Супрацоўнікі міліцыі прыбылі на месца і затрымалі 23-гадовага магілёўца. У гаражы, які, па яго словах, ён здымаў у знаёмага, былі выяўленыя рэчывы, прыдатныя для вырабу выбуховых рэчываў і выбуховых прылад.
Як расказаў першы намеснік начальніка УУС палкоўнік міліцыі Аляксандр Васільеў, падчас агляду па месцы жыхарства затрыманага былі знойдзены таксама хімічныя кампаненты для вырабу выбуховых рэчываў і выбуховых прылад, самаробныя прадметы, падобныя да агнястрэльнай зброі і боепрыпасаў.
Папярэдне супрацоўнікі міліцыі высветлілі, што затрыманы вырабляў самаробныя выбуховыя прылады, начыненыя цвікамі, шрубамі і свінцом і выпрабоўваў іх на адкрытай мясцовасці.
Канфіскаваныя прадметы накіраваныя на экспертызу, распачатая крымінальная справа.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары