23 верасня ля пасольства Беларусі ў Кіеве прайшла акцыя анархістаў, якія патрабавалі вызвалення арыштаванага ў Беларусі і прызнанага палітвязнем Змітра Паліенкі.
«Хуліганская антыбеларуская акцыя», — так ахарактарызавалі мерапрыемства на сайце пасольства.
«Прымаючы да ўвагі, што ўдзельнікі акцыі хавалі твары, паводзілі сябе нахабна і агрэсіўна, выкарыстоўвалі фаеры, пасольства Беларусі ва Украіне выказала пратэст украінскаму боку і запатрабавала правесці адпаведнае расследаванне, а таксама забяспечыць бяспеку функцыянавання беларускай дыпламатычнай місіі», — гаворыцца ў афіцыйнай заяве беларускага пасольства.
Група анархістаў (каля 12 чалавек) выйшла да пасольства з расцяжкай «Смерць дыктатару», яны палілі фаеры, уздымалі чорныя сцягі, гукалі «За нашу і вашу свабоду». У канцы акцыі хлопцы ў масках павесілі на плот пасольства пудзіла Лукашэнкі.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары