Намеснік старшыні камітэта Дзярждумы РФ па СНД, еўразійскай інтэграцыі і справах суайчыннікаў Віктар Вадалацкі паведаміў РІАН, што расіяне Раман Забалотны і Грыгорый Цуркану, паказаныя на відэа з Сірыі, загінулі ад рук тэрарыстаў.
«Пацвярджаецца інфармацыя, што пасля той часткі відэазвароту, якая была паказаная ў сацыяльных сетках, ім падсунулі паперу, якую яны павінны былі прачытаць на камеру… Іх прымушалі гэта зрабіць, але ні Раман, ні Грыгорый не падпарадкаваліся іх патрабаванню», — сказаў Вадалацкі, дадаўшы, што расіяне павінны былі, у прыватнасці, заявіць, што ўступаюць у ІД.
Па словах дэпутата, пасля адмовы прамаўляць патрабаванае Забалотнага і Цуркану забілі.
Нагадаем, «Ісламская дзяржава» заявіла пра захоп у палон двух расійскіх салдат 28 верасня. Мінабароны Расіі адмаўляла гэтую інфармацыю.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары