Тэлевядучая СТБ — пра гвалт: «Я адчула, што ўяўная пятля на шыі ўсё сцягваецца»
Новы выпуск ток-шоу «Што адбываецца» быў прысвечаны праблеме хатняга гвалту. Вядоўца СТБ Наталля Надольская падзялілася сваім досведам. Гэтая гісторыя здарылася з ёй дзесяць гадоў таму, з былым мужам. Цяпер у вядучай новая сям'я і трое дзяцей.
— Што было «пунктам незвароту»? Калі вы зразумелі, што трэба бегчы і не азірацца?
— Напэўна, калі я зразумела, што ў мяне не засталося сябровак, калі я зразумела, што выходзіць з дому, па нейкай не вельмі важкай прычыне, не варта. Калі мяне за руку адвялі ў цэнтр тэлефоннай сувязі і папрасілі раздрукоўку маіх тэлефонных званкоў.
Гэта значыць, калі я зразумела, што вось, скажам так, гэтая ўяўная пятля на шыі ўсё сцягваецца і сцягваецца. І я пачынаю губляць сябе, свой унутраны стрыжань, свае навыкі. Таму што я — чалавек таварыскі, у мяне праца такая.
— А праўда, што самае складанае — у тым, што гэта адбываецца паступова? Няма пункту нейкага надлому?
— Так. Мне часта задавалі пытанне: «А навошта ты замуж выходзіла? Куды ты глядзела? Што, ты ж не бачыла?» Жанчыны вельмі часта брутальнасць мужчынскую, сілу, уладу, якую яны хочуць бачыць у мужчыне, успрымаюць гэта як станоўчы фактар. Я — таксама не выключэнне.
Гэта значыць, мне таксама хацелася, каб побач быў моцны мужчына, уладны, валявы.
— Ён абяцаў потым памяняцца, калі вы сказалі, што больш не будзеце разам?
— Так. Гэта яшчэ адзін хітрык маніпулятараў. Бо яны потым просяць прабачэння. І нават пасля фізічнага гвалту. У мяне ёсць знаёмая, сяброўка, якую муж сістэматычна, на працягу 10—15 гадоў, збівае. І, калі я ёй кажу, што «табе трэба сыходзіць ад яго», — яна адказвае: «Ён просіць прабачэння. Ён дорыць кветкі, ён дорыць падарункі. Ён прызнае сваю віну. Ну, як не дараваць?»
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак7
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары