Тэрэза Мэй абвінаваціла Расію ў «маштабных» умяшаннях у выбары іншых дзяржаў, а таксама ў памнажэнні фальшывых навін. Усе гэтыя дзеянні Масквы, на думку брытанскага прэм'ера, «пагражаюць міжнароднаму парадку»
Прэм'ер-міністр Вялікабрытаніі Тэрэза Мэй выступіла супраць «маштабных» дзеянняў Расіі, якія «пагражаюць міжнароднаму парадку». Ад яго, як заўважыла палітык, залежныя астатнія заходнія краіны. У прыватнасці, Маскву прэм'ер абвінаваціла ва ўмяшанні ў выбары іншых дзяржаў, а таксама ў памнажэньні «фальшывых навінаў». Пра гэта яна заявіла падчас выступу на бяседзе, які зладзіў лорд-мэр лонданскага Сіці, піша газета The Guardian.
Пералічваючы спробы Расіі «падарваць у апошнія гады заходнія інстытуты», яна сказала: «У мяне вельмі простае пасланне для Расіі. Мы ведаем, што вы робіце. І вам гэта [ажыццявіць] не ўдасца». Масква, як заўважыла Мэй, «недаацэньвае ўстойлівасць дэмакратый» краін Захаду, а таксама «пастаяннае прыцягненне свабодных і адкрытых таварыстваў» і «прыхільнасць заходніх краін да альянсаў, якія іх звязваюць».
«Вялікабрытанія стане рабіць усё неабходнае для самаабароны, а таксама будзе працаваць з саюзнікамі, каб паступаць [з Расіяй] аналагічным чынам», - падкрэсліла Мэй, папракнуўшы Маскву ва ўмяшанні ў выбары розных дзяржаў, а таксама ў «насаджэньні фальшывых навін» і хакерскіх атаках на Міністэрства абароны Даніі і Бундэстаг.
Лондан, як дадала прэм'ер, не жадае «вяртацца да халоднай вайны [з Расіяй] ці ж знаходзіцца ў стане пастаяннай канфрантацыі». Аднак, калі Расія працягне рэалізоўваць сваю цяперашнюю палітыку і працягне «бягучы курс», Вялікабрытанія павінна будзе абараняць інтарэсы сваёй краіны, Еўропы, а таксама ўсяго свету, заявіла Мэй.
Яе словы рэзка кантрастуюць з рэмаркамі прэзідэнта ЗША Дональда Трампа, які на мінулым тыдні заявіў, што ён верыць Пуціну, калі той запэўнівае, што расійскія ўлады не ўмешваліся ў амерыканскую прэзідэнцкую кампанію.
Міністр замежных спраў Брытаніі Барыс Джонсан павінен наведаць Расію ў наступным месяцы.
Цяпер чытаюць
Бабарыка: Калі б мы перамаглі — вайны ва Украіне не было б34
Каментары