Пячэрскі суд у Кіеве адмовіўся змяшчаць затрыманага ў пятніцу Міхаіла Саакашвілі пад хатні арышт. Такім чынам, у патрабаваннях боку абвінавачвання было адмоўлена ў поўным аб'ёме, паведамляе «112 Украіна».
«Хадайніцтва аб прымяненне меры стрымання ў выглядзе хатняга арышту для Міхаіла Саакашвілі пакінуць без задавальнення», — заявіла суддзя. Абвяшчэнне поўнага тэксту пастановы яна прызначыла на 09:00 14 снежня.
Абвінавачванне патрабавала для Саакашвілі двух месяцаў кругласутачнага хатняга арышту, пракуратура можа абскардзіць рашэнне на працягу пяці дзён.
Саакашвілі вызвалены пад даручальніцтва дэпутатаў Вярхоўнай Рады — у ходзе пасяджэння дзесяць украінскіх народных дэпутатаў выказалі гатоўнасць паручыцца за былога грузінскага прэзідэнта.
На пачатку паседжання адвакаты Саакашвілі хадайнічалі аб тым, каб яго вызвалілі з так званага акварыума - шклянога бокса для падследных. Гэта не выклікала пярэчанняў з боку пракурораў і просьба абароны была задаволеная.
Саакашвілі ў зале суда заявіў, што лічыць сябе ваеннапалонным, а хатні арышт назваў спробай адлучыць яго ад палітычнай дзейнасці. Разам са сваімі прыхільнікамі ён праспяваў гімны Украіны і Грузіі.
Сярод тых, хто прыйшоў падтрымаць Саакашвілі ў судзе была, у прыватнасці, лідар партыі «Бацькаўшчына», экс-прэм'ер Украіны Юлія Цімашэнка. Яна і яшчэ дзевяць дэпутатаў Вярхоўнай рады выказалі гатоўнасць узяць Саакашвілі на парукі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары