За распаўсюд парнаграфіі перад законам адкажуць чацвёра лунінцаў, у тым ліку адзін непаўналетні, паведамляе «Медыя-Палессе».
Тое, як сабака цёрся аб ягадзіцы хлопца, сябры знялі на відэа, а пасля распаўсюдзілі ролік у сетцы.
— Абвінавачванне па артыкуле 343 заўв. частка 2 КК РБ «Распаўсюд парнаграфіі з выявай непаўналетняга» прад'яўленае чацвярым жыхарам узростам ад 17 да 23 гадоў, — пракаментавала «Медыя-Палессю» намеснік пракурора Лунінецкага раёна Вольга Багатырэвіч. — Крымінальная справа накіраваная пракурорам у суд.
Інцыдэнт адбыўся 7 жніўня. Хлопца ўгаварылі стаць на карачкі перад сабакам, паабяцалі за гэта грошы — 35 рублёў. Далі 1,25 рубля. Тое, што адбылося, захавалі на відэа, адправілі некалькім карыстальнікам сеткі інтэрнэт. Некаторыя толькі паглядзелі ролік ў сацсетцы «Укантакце», некаторыя пераслалі яго знаёмым у асабістых паведамленнях.
Відэа з удзелам брата ўбачыла сястра пацярпелага і паказала маці. 28 жніўня жанчына звярнулася з заявай у міліцыю.
— Абвінавачаных па справе магло быць больш. Пастановы аб адмове ў завядзенні крымінальнай справы прынятыя ў дачыненні да 12 чалавек. Відэа ім прыходзіла, але яны яго не распаўсюджвалі, — падкрэсліла Вольга Багатырэвіч.
Усе чацвёра абвінавачаных — са звычайных сем'яў, двое з іх — браты.
Інкрымінаваным артыкулам прадугледжана пакаранне ад трох да васьмі гадоў пазбаўлення волі.
***
На тэлеграм-канал «Нашай Нівы» можна падпісацца тут.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1313
Каментары