Вызваленыя з палону ў Лівіі беларускія медыкі вярнуліся на радзіму, паведамляе БЕЛТА з Нацыянальнага аэрапорта Мінск. Муж і жонка з Гомеля лекар-траўматолаг Сяргей Здота і аперацыйная сястра Іна Бабуш працавалі ў Лівіі па кантракце з 2010 года. Яны знаходзіліся ў горадзе Зінтане ў 100 км ад Трыпалі, дзе працавалі ў прыватным медычным цэнтры.
Медыкаў ўтрымлівалі сілай, каб прымусіць падоўжыць кантракт: адабралі пашпарты, змясцілі пад хатні арышт. Аднак яны здолелі адправіць сігнал у МЗС Беларусі пры дапамозе сродкаў сувязі.
У вырашэнні сітуацыі прымалі ўдзел расійская кантактная група па ўнутрылівійскім ўрэгуляванні і МЗС Лівіі. Неабходнае садзейнічанне ў вяртанні ў Мінск медыкам аказала амбасада Беларусі ў Расіі. У далейшым муж і жонка плануюць працаваць на радзіме.
Цяпер чытаюць
«Шпіён у кішэні»: расійскі месенджар Max сочыць за карыстальнікамі і дапамагае блакаваць VPN2
Каментары