Прозвішчы, імёны і фотаздымкі 768 асуджаных за гвалтоўныя дзеянні сексуальнага характару з’явіліся ў інтэрнэце ў адмысловай базе, якую стварыў польскі Мінюст, паведамляе «Белсат».
Большасць з тых, хто трапіў у базу, — мужчыны, якіх асудзілі за сексуальны гвалт над дзецьмі ва ўзросце да 15 гадоў.
«База педафілаў» мае адкрытую і закрытую версіі. У адкрытай публікуецца: фотаздымак злачынцы, ягонае імя, прозвішча ды месца нараджэння, артыкул, паводле якога быў асуджаны. Закрытая версія была створаная для праваахоўнікаў і ўстановаў, якія займаюцца апекаю над дзецьмі. Рэестр мае таксама ангельскую моўную версію.
Падобны рэестр ужо дзейнічае ў ЗША.
Каментары