Касавы апарат суб'екта гаспадарання ў выглядзе праграмы для мабільнага тэлефона, ноўтбука або планшэту — такая магчымасць прадугледжаная пастановаю Саўміна і Нацбанка нумар 1040/17 ад 29 снежня 2017 года, паведамляе Tut.by.
«Праграмная каса ўяўляе сабой праграмнае забеспячэнне, з дапамогай якога будуць выконвацца касавыя аперацыі, дадзеныя аб якіх будуць перадавацца ў сістэму кантролю касавага абсталявання (СККА)», — ўдакладняюць ў Саўміне.
Прадугледжана два варыянты ўстаноўкі праграмных кас. Першы — на электронных прыладах (ноўтбукі, планшэты, мабільныя тэлефоны), а другі — у цэнтры апрацоўкі дадзеных аператара праграмнай касавай сістэмы (у такім выпадку каса выкарыстоўваецца праз інтэрнэт праз ідэнтыфікацыю лагінам і паролем). Пры гэтым праграмная каса павінна адпавядаць патрабаванням заканадаўства ў сферы абароны інфармацыі.
Займацца укараненнем такой касы, яе эксплуатацыяй, а таксама перадачай дадзеных у СККА будуць аператары праграмных касавых сістэм, якімі будуць выступаць юрыдычныя асобы — рэзідэнты Рэспублікі Беларусь, якія адпавядаюць патрабаванням, якія будуць вызначаны МПЗ.
Нагадаем, раней падаткавікі тлумачылі, што суб'ектам гаспадарання, якія будуць выкарыстоўваць праграмныя касы, трэба будзе набываць ключы электроннага лічбавага подпісу, прыладу для друку плацёжнага дакумента, плацёжны тэрмінал. Акрамя таго, трэба будзе выкаштавацца на паслугі аператара праграмнай касавай сістэмы.
«У той жа час выкарыстанне праграмных кас дазволіць пазбегнуць шэрагу існуючых затрат, у тым ліку за кошт адсутнасці неабходнасці ўнясення закладнога кошту за сродак кантролю падатковага органа (СКПО), а таксама за кошт выкарыстання для выканання касавых аперацый пры продажы тавараў (работ, паслуг) наяўных у суб'ектаў гаспадарання электронных прылад, якія забяспечваюць магчымасць функцыянавання праграмнай касы і перадачы дадзеных у СККО », — тлумачылі ў МПЗ.
Дакумент набудзе моц праз 6 месяцаў з дня афіцыйнай публікацыі, то бок ужо ўлетку. Прадпрымальнікі змогуць выбіраць, ці заставацца з апаратнымі касамі, ці пераходзіць на праграмныя варыянты ўліку даходаў ад продажаў.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў12
Каментары