З верасня фінансаванне ўсіх сталічных школ будзе залежаць ад колькасці вучняў
З верасня гэтага года ў сталіцы змяняецца сістэма фінансавання школ, паведамляе «Мінск-Навіны».
Старшыня камітэта па адукацыі Мінгарвыканкама Марыя Кіндзірэнка кажа, што з 1 верасня 2018 гадоў ў сталіцы стартуе праект па апрабацыі нарматыўнага фінансавання ў школах.
— Гэта значыць, аб'ём сродкаў на функцыянаванне школы або дзіцячага сада будзе залежаць ад велічыні нарматыву (усталяваны памер сродкаў, што выдзяляюцца на аднаго дзіцяці) і колькасці вучняў у канкрэтнай установе. З 2020-га да праекта далучацца і ўстановы дашкольнай адукацыі, — распавяла Кіндзірэнка.
Таму зараз для школ становіцца актуальнай напаўняльнасць. Так, у 2017 годзе сярэдняя напаўняльнасць вучняў у класе склала 25,3 чалавека. Годам раней — 24,9.
— Акрамя таго, аптымізацыя бюджэту ажыццяўлялася праз скарачэнне гадзін эстэтычнай накіраванасці, а таксама зліццё, рэарганізацыю і ліквідацыю ўстаноў адукацыі. Эканамічны эфект ад праведзеных мерапрыемстваў штогод узрастае: у 2017-м, у параўнанні з папярэднім, аб'ём зэканомленых сродкаў павялічыўся амаль удвая. Доля пазабюджэтных сродкаў у агульным аб'ёме фінансавання галіны складае каля 6%, — сказала Кіндзірэнка.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары