Падчас перамоваў паміж ЗША і Расіяй аб спыненні вайны ва Украіне бакі абмяркоўваюць таксама шматмільярдную здзелку, звязаную з актывамі расійскай нафтавай кампаніі «Лукойл». Пра гэта 3 кастрычніка паведаміла выданне The New York Times.
Здзелка можа ахапіць нафтавыя радовішчы, нафтаперапрацоўчыя заводы і сетку аўтазаправачных станцый «Лукойла» ў розных краінах. Гаворка ідзе, у прыватнасці, пра радовішчы ў Камеруне, нафтаперапрацоўчыя прадпрыемствы ў Еўропе і аўтазаправачныя станцыі ў амерыканскім штаце Нью-Джэрсі. Для яе рэалізацыі спатрэбіцца ўхваленне ўрада ЗША і Крамля.
Паводле звестак The New York Times, у прасоўванні здзелкі ўдзельнічаюць амерыканскі інвестар і мільярдэр Тод Боэлі, дзве блізкаўсходнія структуры, якія раней супрацоўнічалі з Джарэдам Кушнерам або сям'ёй Стыва Уіткафа, а таксама адно з падраздзяленняў урада ЗША. Боэлі ахвяраваў 2 мільёны даляраў на палітычныя праекты Дональда Трампа.
Газета адзначае, што няма прыкмет таго, што непасрэдную выгаду ад здзелкі атрымаюць самі Кушнер або Уіткаф. Аднак, паводле інфармацыі выдання, выгаду могуць атрымаць звязаныя з імі дзелавыя партнёры.
Тэму гэтай здзелкі, як сцвярджае The New York Times са спасылкай на дасведчаныя крыніцы, Уладзімір Пуцін закрануў падчас сустрэчы са Стывам Уіткафам і Джарэдам Кушнерам у Крамлі 5 верасня. Паводле аднаго з суразмоўцаў газеты, Пуцін прапанаваў заключыць пагадненне, каб прадэманстраваць расіянам магчымасць вядзення бізнэсу са Злучанымі Штатамі.
Канчатковае рашэнне аб здзелцы, паводле інфармацыі выдання, залежыць ад Уладзіміра Пуціна і Дональда Трампа.
Белы дом, Міністэрства фінансаў ЗША і кампанія «Лукойл» не адказалі на запыты The New York Times з просьбай пракаментаваць інфармацыю.
Пуцін прызнаўся Уіткафу і Кушнеру, што яму камфортна з імі працаваць
Кушнер Пуціну: Вы нам і год назад казалі, што за пару месяцаў зоймеце Данбас
Пуцін заявіў, што замест кіраўніка ЦРУ ахвотней будзе перамаўляцца з Уіткафам і Кушнерам
Пуцін на перамовах з пасланнікамі Трампа заявіў, што «паспяхова прасоўваецца» ва Украіне і даб'ецца «мэтаў СВА»
Кушнер: Калі б Украіна захацела пайсці на саступкі ў тэрытарыяльным пытанні, у нас ужо было б пагадненне
Пуцін і Трамп пагаварылі пра вайну ва Украіне
Цяпер чытаюць
Дзе працуюць і як выглядаюць жонкі топ-чыноўнікаў?6
Каментары