Заснавальнік Twitter: Праз 10 гадоў біткойн стане адзінай сусветнай валютай
Адзін з заснавальнікаў сацыяльнай сеткі Twitter Джэк Дорсі ўпэўнены, што максімум праз 10 гадоў кожны чалавек будзе выкарыстоўваць крыптавалюту для плацяжоў. Гэтае меркаванне ён выказаў у інтэрв'ю англійскаму выданню The Times.
Дорсі сказаў, што крыптавалюта па-ранейшаму з'яўляецца «павольнай і дарагой», але гэтая праблема мае знікнуць па меры папулярызацыі электронных грошай.
«Свет абавязкова прыйдзе да з'яўлення адзінай валюты, у тым ліку і ў інтэрнэце. Асабіста я веру, што гэтай адзінай валютай стане біткойн», — сказаў Дорсі.
Ён таксама адзначыў, што даступнасці біткойна спрыяе з'яўленне новых блокчэйн-тэхналогій (відаць, меліся на ўвазе распрацоўшчыкі адкрытага блокчэйн-пратаколу Lightning Labs, у які Дорсі нядаўна інвеставаў).
Заснаваны ім плацёжны сэрвіс Square заявіў аб пачатку падтрымкі транзакцый з біткойным у лістападзе 2017-га. Першую спробу ўкаранення аперацый з крыптавалютай у кампаніі ажыццявілі яшчэ ў 2014 годзе, але, на думку Дорсі, яна аказалася няўдалай праз няправільны тэхнічны падыход і з'яўленне ў свет не ў свой час.
Улады Гродна паведамілі пра выхад з ладу ліўнёўкі пад ударам стыхіі1
Каментары