Творчая прастора ОК16 (вул.Кастрычніцкая, 16). Пачатак а 19:30.
29 траўня ў межах фестывалю інтэлектуальнай кнігі «Прадмова» адбудзецца прэзентацыя кніжнай серыі «Святлацені».
Імпрэзу правядзе паэт і літаратуразнаўца Віктар Жыбуль. Віктар з’яўляецца аўтарам прадмовы і ўкладальнікам першай кнігі, якая выйшла ў межах серыі, — зборніка вершаў «Пералівы» Юркі Лявоннага.
На імпрэзе гаворка пойдзе пра серыю, творчую біяграфію Лявоннага, прагучаць яго вершы. Таксама ўдзел возьмуць паэтка Вера Бурлак, пісьменніца Ганна Севярынец і гурт Vuraj!
Новая кніжная серыя «Святлацені» мае прадстаўляць творчасць беларускіх паэтаў і празаікаў пераважна міжваеннага перыяду (1920—1940-я гг.) — аднаго з найбольш цікавых і плённых у гісторыі літаратуры, што хавае ў сабе яшчэ шмат неадкрытых старонак. Перавага будзе надавацца аўтарам забытым і напаўзабытым, чые творы з розных прычын не перавыдаваліся шмат гадоў або ўвогуле захаваліся толькі ў рукапісах. Кожнае выданне мецьме кампактны фармат, адметны дызайн і змястоўную ілюстрацыйную ўклейку.
Фестываль інтэлектуальнай кнігі «Прадмова» — гэта пляцоўка для інтэнсіўнай камунікацыі паміж усімі ўдзельнікамі кнігавыдавецкага працэсу: выдаўцамі і аўтарамі, рэдактарамі і крытыкамі, ілюстратарамі і дызайнерамі, перакладчыкамі і, безумоўна, чытачамі, зацікаўленымі ў сучаснай і якаснай беларускай інтэлектуальнай кнізе.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ16
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары