Аляксандр Лукашэнка патрабуе скончыць з угаворамі і наводзіць жалезную дысцыпліну на прадпрыемствах. Пра гэта ён заявіў сёння на нарадзе ў Шклоўскім раёне, перадае БелТА.
Лукашэнка звярнуў увагу, што тэхналогія — гэта дыктатура.
«За выкананне тэхналогіі і атрыманне выніку плацяць зарплату. Наперад зарплату за выкананне тэхналогіі не даюць. За парушэнне тэхналогіі ў асобных краінах у турму садзяць. Я ўжо не кажу пра тое, што ўласнік прадпрыемства трымаць гэтага чалавека не будзе ні аднаго дня. Таму ўгаворы… слухайце, мы не ў савецкія часы жывем, калі збіраліся на пленуме і адзін аднаго ўгаворвалі», — сказаў кіраўнік дзяржавы.
Каментары