Аляксандр Лукашэнка ад імя беларускага народа і сябе асабіста павіншаваў Рэджэпа Таіпа Эрдагана з пераабраннем на пасаду прэзідэнта Турцыі. Пра гэта БелТА паведамілі ў прэс-службе беларускага кіраўніка.
«Вынікі выбарчай кампаніі прадэманстравалі высокую ацэнку суайчыннікамі Вашай плённай працы, нацэленай на далейшае ўмацаванне краіны і забеспячэнне яе ўстойлівага сацыяльна-эканамічнага развіцця. Упэўнены, што пад Вашым кіраўніцтвам Турцыя працягне свой паступальны рух па шляху прагрэсу і росквіту», — гаворыцца ў віншаванні.
Кіраўнік дзяржавы адзначыў, што паміж Беларуссю і Турцыяй склаліся асаблівыя, сапраўды брацкія адносіны. «Перакананы, што стратэгічнае двухбаковае супрацоўніцтва, якое дынамічна пашыраецца, мае велізарны патэнцыял. Агульнымі намаганнямі мы здолеем дасягнуць новых вяршынь у палітычнай, гандлёва-эканамічнай і іншых сферах узаемадзеяння», — падкрэсліў Лукашэнка.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам12
Каментары