Здарэнне ледзь не адбылося ў Ракаве, што ў Валожынскім раёне, паведамляе kraj.by.
У доме жывуць маці, яе 23-гадовы сын і 20-гадовая дачка з сябрам. Інцыдэнт адбыўся 26 мая каля 23.00: маці з сынам вярнуліся дадому ад сваякоў, у якіх адзначалі дзень нараджэння. Абое былі п'яныя.
Сын сказаў маці, што пойдзе гуляць з сябрамі. Жанчына адмовілася яго адпускаць і заявіла: «Будзеш сядзець дома», — распавяла следчая Юлія Селятыцкая.
Маці не першы раз казала сыну такія словы. Але гэтым разам словы раз'юшылі хлопца.
Малады чалавек адказаў: «Тады я спалю гэты дом разам з табой». Маці не паверыла пагрозе і пайшла спаць. А сын узяў бензін, абліў ім два ўваходы ў дом і трубы газаправода. Але не знайшоў запалак.
Сябра дачкі, што быў у суседнім пакоі, спрабаваў супакоіць дэбашыра. Але калі зразумеў, што не зможа гэтага зрабіць, тэрмінова выклікаў з працы сястру падпальшчыка.
Яна прыйшла дахаты, адчула пах бензіну і выклікала міліцыю. Нарад, што прыехаў на месца здарэнне, супакоіў хлопца, а яго родныя не сталі адразу пісаць на яго заяву.
Але праз тыдзень заяву ў міліцыю напісала сястра.
Абвінавачаны прызнае сваю віну. Ён раней не судзімы, працуе, яго выдатна характарызуюць і па месцы жыхарства, і па месцы працы.
Хлопцу пагражае штраф або папраўчыя работы да аднаго года, або арышт да трох месяцаў.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію3
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары