У Францыі ва ўзросце 92-х гадоў памёр рэжысёр і пісьменнік Клод Ланцман, аўтар аднаго з самых знакамітых дакументальных фільмаў пра Халакост — «Шоа» («Катастрофа»).
Клод Ланцман звязаны каранямі з Беларуссю. Ягоныя габрэйскія продкі па бацькоўскай лініі эмігравалі ў Францыю на пачатку 20 стагоддзя з Вілейкі, па мацярынскай лініі — з Кішынёва. У гады Другой сусветнай вайны ён быў удзельнікам Руху супраціву. У наступныя дзесяцігоддзі быў публіцыстам і выкладчыкам філасофіі, а ў 70-я гады заняўся дакументальным кіно.
Фільм «Шоа» ён здымаў больш за 10 гадоў, на экраны ён выйшаў у 1985 годзе і атрымаў сусветную вядомасць. Фільм ідзе амаль дзевяць гадзін і складаецца са сведчаньняў людзей, якія перажылі Халакост, а таксама былых нацыстаў. Тэме Халакосту прысвечаны і шэраг наступных яго фільмаў — пра нацысцкія лагеры смерці. Ланцман працягваў здымаць кіно да апошніх гадоў, летась ён прадставіў на канскім кінафестывалі фільм «Напалм».
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары