У Беларусь не пусцілі «індыйска-амерыканскую гендарна-небінарную паэтку-перформерку-транс-актывістку»
Грамадзяніна ЗША індыйскага паходжаньня Алока Вайд-Мэнона 31 ліпеня не прапусьцілі празь мяжу ў Нацыянальным аэрапорце «Менск», сказала Свабодзе Віка Біран.
У атрадзе памежнага кантролю «Менск» Свабодзе пацьвердзілі, што Вайд-Мэнона ня ўпусьцілі ў Беларусь на падставе артыкула 30 Закона аб прававым палажэньні замежных грамадзянаў і асобаў без грамадзянства. Які канкрэтна пункт артыкула парушыў грамадзянін ЗША афіцэр не ўдакладніў.
Паводле гэтага артыкулу адмовіць ва ўезьдзе могуць, калі знаходжаньне замежніка ў Беларусі супярэчыць:
- нацыянальнай бясьпецы;
- грамадзкай бясьпецы;
- ахове маральнасьці;
- ахове здароўя насельніцтва;
- ахове свабод грамадзянаў і іншых асоб.
«Гэты грамадзянін не дэпартаваны, яго проста адправяць назад у Амстэрдам найбліжэйшым рэйсам 1 жніўня ў 9.30», — паведаміў прадстаўнік Дзяржпамежкамітэта.
Як сказала Свабодзе Віка Біран, Алок Вайд-Мэнон паведаміў па тэлефоне, што зьвязваўся з амбасадай ЗША ў Менску. У амбасадзе яму патлумачылі, што «гэта выглядае як законная справа».
Вайд-Мэнон мусіў выступіць 1 жніўня з публічнай лекцыяй у Менску.
На сайце MakeOut Алок Вайд-Мэнон апісваецца як «індыйска-амерыканская гендарна-небінарная паэтка-перформерка-транс-актывістка».
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах15
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння55
Каментары