14 гадоў калоніі і канфіскацыя усёй маёмасці. Сёння суд горада Жодзіна абвясціў прысуд небяспечнаму рэцыдывісту Сяргею Багдашову, які збег з-пад варты з папярэдняга судовага працэсу і хаваўся ад правасуддзя, піша sb.by.
Ураджэнец Магілёўскай вобласці Багдашоў прызнаны вінаватым па шэрагу артыкулаў Крымінальнага кодэкса: уцёкі з-пад варты, крадзеж агнястрэльнай зброі, наўмыснае прычыненне цяжкага цялеснага пашкоджання і крадзеж.
У маі 2009 года фігурант, чакаючы судовага рашэння ў памяшканні для арыштаваных, напаў на начальніка ІЧУ Жодзінскага ГАУС і, выхапіўшы ў яго пісталет, збег. Тады прысуд абвясцілі без удзелу падсуднага. Затым Багдашоў «абчысціў» катэдж, сагнаў «Кадылак» і з'ехаў у Расію.
Вядома, што да гэтага абвінавачаны краў ўпрыгожанні, апаратуру, інструменты, але часцей за ўсё «чысціў» катэджы і зганяў дарагія машыны. За што і трапіў на лаву падсудных.
Пасля жодзінскіх уцёкаў Багдашоў абкрадаў элітныя дамы ў Расіі — у Пскоўскай і Ленінградскай абласцях, у Падмаскоўі. Там яго і злавіла паліцыя летам 2014-га: сыходзячы ад пераследу, Багдашоў зачапіўся нагой за пікі металічнай агароджы катэджа і моцна параніўся. Нагу прыйшлося ампутаваць.
У красавіку 2016 Пскоўскі суд даў яму 13 гадоў калоніі. Сёлета крымінальніка выдалі беларускаму боку на час судовага разбору ў дачыненні да Багдашова ў Беларусі.
Пракурор прасіў прысудзіць рэцыдывіста да 14 гадоў калоніі. З чым пагадзілася судовая калегія. Калі прысуд не будзе абскарджаны (Багдашоў цяпер кажа, што з прысудам згодны), то праз 10 дзён ён уступіць у законную сілу. Пасля чаго Багдашова адправяць назад у расейскую калонію.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары