У Турцыі турыст з Ірландыі праглынуў пярсцёнак коштам €35 000. Гэта ён патлумачыў дзіўным чынам
Пярсцёнак з брыльянтам коштам 35 000 еўра, які праглынуў падарожнік з Ірландыі ў ювелірнай краме ў Мармарысе, вернуты ўладальніку, паведамляе ria.ru са спасылкай на The Sun.
54-гадовы турыст, як сцвярджаюць СМІ, увайшоў у краму, калі там працавала толькі адна супрацоўніца, папрасіў паглядзець упрыгожанне, а потым праглынуў яго.
У паліцыі ён адмаўляў віну, але пасля прагляду відэа з камер назірання яго арыштавалі. Даследаванне ў бальніцы паказала, што пярсцёнак знаходзіцца ў целе мужчыны.
Паліцыя чакала, ці зможа пярсцёнак выйсці натуральным шляхам, але мужчыну ўсё ж зрабілі аперацыю.
Свой дзіўны ўчынак ён патлумачыў тым, што страціў жонку ў ДТЗ у Ірландыі, машына ўпала ў возера, а яе заручальны пярсцёнак так і не быў знойдзены
«Гэты інцыдэнт выклікаў у мяне апантанасць брыльянтавымі пярсцёнкамі, — распавёў ірландзец. — Штораз, калі я бачу такія ўпрыгожанні ў ювелірных крамах, я ўспамінаю сваю жонку». Ён прызнаўся, што ў такія моманты адчувае вельмі моцнае жаданне ўзяць рэч.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары