31-гадовая случчанка памерла пасля родаў у VIP-аддзяленні 6-й радзільні Мінска.
Паводле «Камсамольскай праўды ў Беларусі», жанчына са сваім партнёрам — шлюб у іх не быў аформлены — жыла ў Маскве. Але яна прынцыпова вырашыла нараджаць у Беларусі. А пасля нараджэння дзіцяці пара хацела з'ехаць у Ізраіль.
Пасля родаў хлопчык выжыў. Яго назвалі Давыдам. А яго маму, Валянціну Захарэвіч, пахавалі на радзіме — у Слуцку.
Жанчына нараджала ў мінскай радзільні нумар 6, ляжала ў ВІП-палаце. Як распавёў «Камсамольскай праўдзе» муж загінулай, дактары сказалі, што, магчыма, каляплодавыя воды трапілі ў кроў. Жанчына памерла праз 2 дні пасля родаў.
Па словах мужа, цяжарнасць праходзіла без паталогій. Радзільню Валянціна выбірала сама. Жанчына сама была ўрачом, працавала рэабілітолагам у бальніцы хуткай дапамогі.
Валянціна з мужам прыехалі ў Мінск. У ноч з 18 на 19 жніўня ў жанчыны пачаў моцна балець жывот. Яна вырашыла ехаць у радзільню, там яе змясцілі ў аддзяленне паталогіі цяжарнасці. У нядзелю жывот працягваў балець. Уначы жанчына ізноў скардзілася медсястры на боль, у выніку Валянціну перавялі ў ВІП-палату.
20 жніўня Валянціну забралі ў радзільную залу, яна нарадзіла хлопчыка. Яе «грамадзянскі муж» пацікавіўся, што з жонкай.
«Адказалі, што праз дзве гадзіны адыдзе ад наркозу, і прывязуць. Гадзіны праз паўтары я зноў запытаў, як там мая жонка. Спытаў, ці можна да яе зайсці. Дазволілі, я зайшоў у радзільную залу. Убачыў бледна-сіні твар жонкі і абсалютна сінія вусны. Мне сказалі, што, магчыма, яна страціла больш крыві, чым іншыя парадзіхі, — распавёў муж жанчыны. — Жонка ляжала з заплюшчанымі вачыма. Я сядзеў побач, трымаў яе за руку, у нейкі момант рукі задрыжалі. Мяне вывелі, і наступная карціна, якая стаіць у маёй галаве — дзверы засталіся адкрытымі — жонцы рукамі ціснуць на грудную клетку. У яе спынілася сэрца. Я так і не зразумеў: чаму не ўжылі дэфібрылятар?..
Жонку перавезлі ў аперацыйную, дзе яна знаходзілася ўсю ноч. На пытанне, што адбылося, мне адказалі, што каляплодавыя воды трапілі ў кроў, што і выклікала такую рэакцыю. Я і сваякі былі ў віп-палаце. Раніцай у сераду, праз два дні пасля нараджэння дзіцяці, быў тэлефонны званок, нам паведамілі, што Валянціна памерла».
У радзільні не каментуюць выпадак. Следчыя праводзяць праверку.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары