Прыкладна так можна ахарактарызаваць гульню мілянскага «Інтэру» дома з «Панацінаікасам» ды румынскага ЧФР з «Ромай».
У Міляне «Інтэр» прайграў грэцкаму «Панацінаікасу» — 0:1.
Нягледзячы на паразу «нэра‑дзуры» выйшлі ў 1/8 фіналу.
Прычына — у нічыі на Кіпры, дзе «Анортасіс», які вёў у ліку 2:0, ня здолеў утрымаць перамогу над «Вэрдэрам». «Немцы» (у двукосьсі таму, што галы забілі Дыега і Уга Алмэйда) здолелі адыграцца — 2:2.
Турнірнае становішча: Інтэр — 8, Панацінаікас — 7, Анортасіс — 6, Вэрдэр — 4.
Другую пуцёўку ў плэй-оф у гэтай групе разыграюць у вочнай сустрэчы грэкі і кіпрыёты. Матч пройдзе ў Афінах. «Вэрдэр» можа прэтэндаваць хіба на Кубак УЭФА.
***
Група «А»: «Бардо» — «Чэлсі» — 1:1, ЧФР (Клуж) ‑‑ «Рома» — 1:3.
Турнірнае становішча: Рома — 9, Чэлсі — 8, Бардо — 7, ЧФР — 4.
На дзьве пуцёўкі ў плэй-оф ЛЧ прэтэндуюць усе, апроч ЧФР. 9 сьнежня згуляюць «Чэлсі» - ЧФР, «Рома» - «Бардо».
***
Група «С»: «Шахцёр» Данецк — «Базэль» — 5:0, «Спортынг» — «Барсэлёна» — 2:5. А. Глеб правёў на полі ўвесь матч.
Турнірнае становішча: Барсэлёна — 13, Спортынг — 9, Шахцёр — 6, Базэль — 1.
«Шахцёр» заваяваў пуцёўку ў Кубак УЭФА. 9 сьнежня ён згуляе ў гасьцях з «Барсэлёнай».
***
Група «D»: «Атлетыка» Мадрыд — ПСВ — 2:1, «Лівэрпуль» — «Марсэль» — 1:0.
Турнірнае становішча: Атлетыка, Лівэрпуль — 11, Марсэль, ПСВ — 3.
«Атлетыка» і «Лівэрпуль» выйшлі ў 1/8 фіналу.
9 сьнежня: ПСВ - «Лівэрпуль», «Марсэль» - «Атлетыка».
***
Такім чынам вядомыя ўжо 13 камандаў, што выйшлі ў 1/8 фіналу Лігі чэмпіёнаў.
Гэта «Манчэстар Юнайтэд», «Вільярэал», «Баварыя», «Ліён», «Арсэнал», «Порту», «Ювэнтус», «Рэал», «Барсэлёна», «Спортынг», «Інтэр», «Атлетыка», «Лівэрпуль».
«Ольбарг», «Зэніт», «Шахцёр» забраніравалі сабе месца ў 1/16 фіналу Кубку УЭФА.
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць33
Каментары