Былы чыноўнік ФІФА Рафаэль Сальгера, асуджаны за карупцыю, распавёў пра хабары, якія яму прапаноўвалі перад галасаваннем за краіну-гаспадыню ЧС-2018, паведамляе tribuna.com.
Галасаванне праходзіла ў 2010 годзе. Акрамя Расіі, на правядзенне турніру прэтэндавалі Англія, а таксама сумесныя заяўкі Галандыі з Бельгіяй і Партугаліі з Іспаніяй.
Гватэмалец распавёў у судзе, што яму прапаноўвалі сотні тысяч даляраў за патрэбны голас. Сальгера некалькі разоў сустракаўся з неназваным чалавекам для абмеркавання подкупу. Хабар чыноўніку павінен быў перадаць наяўнымі чалавек з Італіі.
Сальгера распавёў, што прагаласаваў, як яму казалі, але хабару ён так і не атрымаў. Чалавек, які павінен быў перадаць яму грошы, не адказваў на званкі.
Каментары